L'ARRIBADA FUERA L'ESCENARIU PA LA PRESENTACIÓN PÚBLICA D'UN NUEVU GRUPU D'ESCRITORES MOZOS
La primer edición de L'Arribada, en 2006, valiera de marcu pa l'apaición d'un nuevu grupu d'escritores, toos mui mozos, qu'anunciara l'anovacion xeneracional de les nuestres lletres. El mediu fuera una revista lliteraria onde podíen publicar los sos primeros trabayos y que tien un nome más qu'afayaízu, en vistes la so intención d'apoyu a los autores nuevos; Formientu. Na páxina de Xareos! Xestión Cultural atopamos la siguiente esplicación de lo que ye y quier ser esti productu editorial:
|
¿Qué ye Formientu? |
|
Formientu “revista de lliteratura mui moza” ye una revista lliteraria que busca espublizar la obra de los autores más mozos de la lliteratura asturiana y dala a conocer. Formientu ñació nel añu 2006 dirixida por Inaciu Galán y embaxo la edición de Xareos! y dende entós vien espublizándose con regularidá, axuntando a los escritores más mozos del panorama asturianu d’anguaño. Alredor de la revista Formientu, Xareos! vieno organizando nos últimos años recitales, presentaciones y alderiques en munchos de los conceyos d’Asturies, destacando la participación d’esta revista nos actos de la XXVIII Selmana de les Lletres Asturianes, en 2007, pa la que s’espublizó un númberu especial dedicáu a la narrativa más moza. |
Esbilla
del.icio.us
Formientu parezme una revista perinteresante pa conocer a la xente mozo qu'escribe na nuesa llingua. Hai nomes que puen aportar coses importantes pa la nuesa lliteratura del futuru.
¿Pa cuandu otru númberu de Formientu?